BENVIDOS AO 2019!

Bos días a todos!

Xa estamos de volta coas forzas renovadas e moita enerxía! A verdade é que o pasamos xenial nas vacacións pero xa botábamos de menos o cole!

Para empezar con forza coñecimos a historia dos xoguetes que nos van acompañar durante todo o curso, os Playmobil!

Na súa páxina web hai un montón de cousas para facer. O que máis nos gusta son os cómics, que podemos ler no ordenador ou na tablet! Aquí vos deixamos o enlace para que poidades visitala!

PLAYMOBIL

Asdo.: Os Detectives de Leirado

O VOLCÁN EN ERUPCIÓN

Bos días a todos! 

 O mes de novembro foi o mes das ciencias, e nós tamén fomos científicos na nosa clase. Fixemos un experimento que nos encantou! Trátase dun volcán. No seu interior mesturamos bicarbonato, deterxente e colorante alimentario. Cando lle botamos vinagre, produciuse unha reacción química que provocou a erupción do noso volcán. Foi emocionante!!! Se queredes podedes facelo na casa, aquí está o vídeo explicando todos os pasos!

Asdo.: Os detectives de Leirado

UNHA MAÑÁ NO TEATRO!

Bos días a todos! Esta semana viaxamos ata Ponteareas para poder ver unha obra de Migallas. Encantounos! Cantamos e rimos moito cos actores, qué ben o pasamos! Ademais xa coñeciamos algunha das cancións que cantaron, como a da Abuela Manuela!

Se queredes coñecer algo máis sobre este Grupo de Teatro, aquí tendes a súa páxina web https://migallas.gal/ !

Asdo.: Os detectives de Leirado

O SAMAÍN DOS NOSOS DETECTIVES

Bos días a todos!

Volvemos ao cole despois duns días de descanso, porque a festa do Samaín deixounos agotados! Ademais traballamos moito nas nosas casas creando monstruos de cabazas e outros materiais para este día!

Pasámolo tan ben que este día haberá que recordalo!
Queredes ver o vídeo do monstruosos que estabamos?

Asdo.: Os detectives de Leirado

O DÍA DA BIBLIOTECA

Hoxe é o día da biblioteca, e para festexalo, visitamos a nosa, na que fixemos varias actividades moi divertidas!

Xogamos cos tragabolas, cos robots e tamén montamos puzzles e buscamos libros en toda a biblioteca. O tempo pasou voando!

A biblioteca é un lugar no que non só podemos ler. Tamén podemos estar nos ordenadores, buscar información e incluso xogar cos nosos robots!

FELIZ DÍA DA BIBLIOTECA A TODOS!


Asdo.: Os detectives de Leirado

XOGAMOS?

Bos días!

Este curso iniciamos un novo proxecto, no que ademais tamén traballaremos co cole de Oliveira! Para poder coñecer o noso proxecto, para ver os traballos xa feitos ou as novas máis importantes, podemos visitar este blog! Botádelle unha ollada!

http://xogamosmellorxuntos.blogspot.com/

Asdo.: Os detectives de Leirado

EXCURSIÓN AO ECOPARQUE

Bos días a todos, e benvidos a unha nova semana! 

Hoxe empezamos a semana recordando o ben que o pasamos o venres, na excursión que fixemos ao Ecoparque de Marín. Subímonos ás árbores e penso que todos nos quedamos con ganas de repetir!

Así que para acordarnos deste gran día, aquí tendes un vídeo dos aventureiros de 2º de Primaria!

Asdo.: Os detectives de Leirado